My poetic side...........

After a very serious talk on the dogs and their competitors,here i m with a very different vivek before u.i hope most of u who are interested of poetry would have listened to Mr.kumar vishvas and his very famous poem "koi dewana kehta hai". well ,he came to kgp and on a hindi poetry writing competition he gave the same topic to write on,to my great fate i got my poem selected among the top 3 poems selected by him....have fun reading it.

koi dewana kehta hai,koi pagal samajhta hai
mein kitna hoon tujhmein dooba,tera kajal samajhta hai,
meri majboori ka kya hai manzar na tum poocho
ye to punam ki raat ko sahil samjhta hai

kale is aasman par kyon ek hi chand khilta hai
taroon ki mehfil mein bhi yeh tumse akele milta hai
daag to hum bhi hazaroon le lete khud par,
aisa mauka hum jaise bedaag ko kahan milta hai

tere aakhon ke noor ne kutch aisa dubaya hai,
gota mar iski neeli satah par hamne sara jag paya hai,
hasrat ye hai ,ab ek pal bhi na tu door ho mujhse,
manzar ye hai mano ,meri aahat par bhi tera saaya hai,

likhta hoon is umeed se ke tumko padhaunga
tum na padhi to koi baat nahi door se hi gungunaunga,
tumhare kanoo ko jo na aaya raham mere dil par,
khuda kasam,mein teri is ek jhalak par hi saari umar je jaaunga

dharti ko chhodo ,mera to jannat par bhi gujara nahi hota
koi tujhe ghoore ,mere is dil ko gavara nahi hota
dost kehte hai laga hai rog pagal ho gaya hoon mein
mein kehta hoon,tum na hoti to mein aisa aavara nahi hota

hai rahat pai ab meine,jab sab kutch kho ke baitha hoon;
pehle behoosh rehta tha,par ab madhoosh rehta hoon
tera milne ka har ek pal,meetha gagar se lagta hai
jab door tum jati ho,to khara sagar sa lagta hai

fursat se hoon baitha aaj mein likhne teri javani
mere shabdoon ki tadpan ke bina tu hai adhoori kahani
padhenge loog,soochenge hai thandi aag ye kaisi
kehenge mujhko dewana kehenge tujhko dewani

jo aakhen band mein karta hoon,to bas ek tum hi dikhti ho
mere kore in sapnoon mein,na jane kya kya likhti ho
jo aakhen khol dunga to,ho jaoogi firse dhumil
shaan or shaukat se nahi sajti,bas tumse hai meri mehfil

bhatki meri is naav ko ,kaash tu kinara de de
kohra khoob ghana hai,teri aakhon ka sahara de de
naam ab tera hi yaad hai,khud ka bhool jata hoon
kisi ko ho jo pukarna to aashique kunvara keh de

padhenge log ,poochenge mein kyon bas pyar likhta hoon
mein to bas is anokhe jagat ka sar likhta hoon
sach kehta hoon mein bas yunhi bekaar nahi likhta
mera izhaar likhta hoon,tera inqaar likhta hoon


hope i liked it,lots more to come !!!!!! hang on.